Leksikálalaš resurssat
Mis leat máŋga e-sátnegirjji.
Neahttadigisánit lea sámi-dáru-sámi ja sámi-suoma-sámi Neahttasátnegirji, mii maiddái ipmirda sojahuvvon sániid. Fertet leat online go geavahat dan. Sáhtát ieš čállit sániid dahje coahkkalit teavsttas mii leat fierbmelohkkis. Jos háliidat lohkat Word-dokumentta, de sáhtát vurket dan web-dokumeantan, rahpat dan fierbmelohkkis, ja dan bokte oažžut jorgalusa.
Webdict lea álkit geavahit (doarvái čállit moadde bustáva), muhto dat ipmirda dušše vuođđohámiid, iige sisttisdoala ovdamearkacealkagiid.
Vuosttáš digisánit lea sámi-dáru-sátnegirji, mii lea vejolaš installeret sihke mobiilatelefovdnii ja dihtorii. Sáhtát čállit sáni, dahje coahkkalit teavsttas (dihtoris), ja sátnegirjji lea vejolaš geavahit offline. Sáhtát lohkat buotlágan dokumeanttaid (muhto Macas fertet rahpat Word-dokumeantta TextEdit-programmas). Vuosttáš digisánit eai máhte seammá ollu sojahuvvon hámiid, eaige gieđahala goallossániid nu bures go Neahttadigisánit.
Jorgalanveahkki: lohkosánit, diibmo- ja beaivemearit ja báikenamat.