Morfa
Sámegillii | På norsk | In English | Suomeksi | På svenska
Dás beassá systemáhtalaččat hárjehallat sátnesojaheami - juogo eaŋkilsátnin (Morfa-S) dahje cealkagis nu ahte son maid oahppá makkár oktavuođas galgá geavahit sátnehámiid (Morfa-C).
Válljenvejolašvuođat
- Sátneluohkká, loga eanet vuolábealde.
- Máddagat (Morfa-S): bárrastávval-, bárahisstávval- dahje kontrákta máddagat, dahje buot.
- Dihto oahppagirjji sátnevuorká.
- Oažžu dárogiel jorgalusa go deaddila sániid maid ii ipmir.
- Veahkki: Go čállá boastut, de fállojuvvo veahkki sojaheapmái.
Sátneluohkát ja sojaheamit
Sátneluohkát maiguin sáhttá bargat, leat substantiivvat, adjektiivvat, vearbbat, pronomenat ja logut.
- Substantiivvat: nominatiiva máŋggaidlohku ja buot kásusat, vuođđosánit sáhttet leat sihke ovttaidlogus ja máŋggaidlogus. Jus vuođđosátni lea máŋggaidlogus, de oahppi galgá dan sojahis kásusis máŋggaidlogus.
- Vearbbat: indikatiiva preseansa ja preterihtta, prefeakta, konditionála, potentiála, imperatiiva ja gerunda.
- Adjektiivvat: attribuhttan dahje predikatiivan veardidemiin. Morfa-S:s leat seammá, muhto máŋgga kásusis.
- Pronomenat: persovnnalaš, čujuheaddji, relatiiva, refleksiiva ja resiproka, buot kasusiin.
- Lohkosánit gitta 10 rádjai máŋgga kásusis, maid attribuhttan substantiivii. Čoahkkelogut ja ortnetlogut kásussojahemiin. Morfa-S 1-dásis 1 leat logut dušše ovttaidlogus. 2-dássi sisttisdoallá maid loguid máŋggaidlogus. Morfa-C sisttisdoallá loguid sihke ovttaidlogus ja máŋggaidlogus gitta 10 rádjái.
- Substantiivvat oamastangehčosiiguin bohtet fargga, mii leat bargame daiguin.