Shooting Gallery (Báhčinspeallu)
Shooting Gallery VISL njuolggoliŋka
Álggahit spealu
- Čále cealkkakoda dahje
- dušše deaddil "Play"
Ja deaddilat F2-boalu du boallobeavddis.
Cealkkakoda
Shooting Galleryas barggat sátneluohkáiguin.
Don sáhtát válljet cealkkačoakkáldaga dahje dihto cealkaga, omd SMEA143. Muhto dalle it sáhte registreret iežat bohtosa. Cealkkačoakkáldagat leat: SMEA, SMEB ja SMEC.
Speallu
Dihtor addá dutnje 100 cealkaga maid galggat báhčit. Cealkagat leat juhkkojuvvon 10 jovkui, ja dihtor vállje ovtta cealkkaluohká juohke jovkui.
Don geahččalat deaivat sáni sáhpániin, ja de bážát. Juohke háve go bážát sáni rivttes sátneluohkás, de sátni ruoniha ja don oaččut 10 čuoggá. Jus sátni ruvssoda, de don leat deaivan boasttu sáni, ja don massát 10 čuoggá.
Speallu nohká jus deaivvat boastut 5 sáni, dahje jus it nagot báhčit 5 sáni mat gullet sátneluohkkái mainna leat bargame. Muđuid sáhtát ieš bissehit spealu: "Game"-menyas válljet "Stop Game" dahje "Quit". Muhto don beasat registreret bohtosa dušše jus válljet "Stop Game", ja jus dus leat doarvái čuoggát.
Bohtosat
Jus du boađus lea beaivvi 10 buoremusa searvvis dahje oktiibuot 100 buoremusa searvvis, de beasat registreret namat ja riikka gos don leat eret.
Dásit
Leat golbma: "Beginner", "Intermediate" ja "Expert". Mađe alit dási don válljet, dađe johtileappot cealkagat girdet ja dađe guhkibut cealkagat leat. Speallu álgá "Intermediate"-dásis, muhto sáhtát "Game"-menyas válljet Level.
Sátneluohkát
Jus it hálit geavahit buot sátneluohkáid, de sáhtát "Game"-menyas válljet "Word Classes". Dás sáhtát válljet ovdalgihtiidefinerejuvvon joavkkuid.
Mii geavahit dáid sátneluohkáid:
| n | substantiiva (girji, lohkamat, golmmas) |
| prop | propra (namma) (William, Kárášjohka) |
| pron | pronomen (mun, sidjiide, soapmásat, ollu) |
| num | lohkosátni (okta, 1923) |
| adj | adjektiiva (alit, ollu, njealját) |
| prp | Preposišuvdna/postposišuvdna (alde, miehtá) |
| conj | konjunkšuvdna (ja, ahte, vaikko) |
| intj | interjekšuvdna (vuoi, jippi) |
| adv | advearba (hui, johtilit, olgun) |
| v | vearba (lean, borran, juhkamis) |
| part | partihkal (go, amma, han) |
Muhtun sajis leat merkejuvvon sátneluohkát mat eai gávdno sámegielas, nugo "infm" (infinitiivamearka) ja "art" (artihkal).
Sáhtát lohkat eanet min cealkagiid ja sátneluohkáid birra dás: Cealkagat, cealkkalahtut ja sátneluohkát
Jietna
Sáhtát jáddadit jiena "Sound Effects Settings"-menyas.
Shooting Gallery-liŋka:
Last changed: $Id: Shooting_sme.xml,v 1.8 2008/06/19 12:13:53 lene Exp $