Syntris (Funkšuvdnapeallu)

1. Čále cealkkakoda – dahje
2. dušše deaddil "Go"

Aktivere Java-láse njuolain, ja de deaddilat F2-boalu du boallobeavddis.

Don sáhtát válljet cealkkačoakkáldaga dahje dihto cealkaga, omd SMEA143. Muhto dalle it sáhte registreret iežat bohtosa. Cealkkačoakkáldagat leat: SMEA, SMEB ja SMEC.

Dihtor vállje cealkaga ja juohká dan cealkkalahtuide. De almmis gahččá kássa mas leat njeallje funkšuvnna. Don sáhtát sirdit kássa dahje bordit funkšuvnnaid kassa siste nu ahte vuolimus funkšuvdna heive dan cealkkalahtui man ala gahččá. Don sirddát kássa gurut- ja olgešnjuollaboaluiguin. Don borddát funkšuvnnaid bajás- ja vulosnjuollaboaluiguin.

Jus deaddilat gaskaboalu vuolimusas boallobeavddis, de kássa gahččá johtileappot. Jus háliidat doallat bottu, de bissehat spealu go deaddilat p-boalu. Go deaddilat seammá boalu vel oktii, de speallu joatká.

Juohke háve go kássa gahččá rivttes cealkkalahtu ala, de don oaččut 10 čuoggá ja cealkkalahttu ránoda. Juohke háve go kássa gahččá boasttu sadjái, de massát 5 čuoggá ja dihtor vállje ođđa cealkaga. Muhto boares cealkka báhcá ođđa cealkaga vuollái. Jus máhtát válljet rivttes funkšuvnna ođđa cealkaga cealkkalahtuide, de beasat geahččalit fas čoavdit boares cealkaga.

Go 10 cealkaga leat bordojuvvon badjálaga, de speallu nohká. Don sáhtát maid bissehit spealu jus válljet "Stop Game" dahje "Quit" "Game"-menyas.

Jus du boađus lea beaivvi 10 buoremusa searvvis dahje obanassiige 100 buoremusa searvvis, de beasat registreret namat ja riikka gos leat eret.

Mii geavahit čuovvovaš cealkkalahtuid:

Mii geavahit čuovvovaš bálddalasti lahtuid:

Jus háliidat oahppat eambbo cealkkačoavdima birra: Cealkkalahtuid funkšuvnnat

Dahje sáhtát hárjehallat cealkkamuorain: Cealkkamuorra

Syntris VISL - liŋkka