Adjektiivvat

Adjektiivva muitala mo dahje makkár juoga dahje gii nu lea, omd. Mus lea 'rukses' biila. Son lea 'lihkolaš'.

Adjektiivvaid sojaheapmi lea das gitta galle stávvala leat nominatiivva máŋggaidlogus. Leat

bárrastávvaladjektiivvat, omd. nuorra - nuorat, čeahppi - čeahpit.
bárahisstávvaladjektiivvat, omd. suohtas - suohttasat, bivnnut - bivnnuhat.
kontrakšuvdnaadjektiivvat, omd. njálggis - njálgát, stuoris - stuorrát, jierbmái - jierbmát.

Adjektiivvas lea attribuhttahápmi go lea ovddabeale substantiivva: Sis lea 'fiskes' viessu. Go adjektiiva lea substantiivva maŋábealde, de dat lea predikatiivahámis: Viessu lea 'fiskat'. Viesut leat 'fiskadat'.

Adjektiivvaid sáhttá suorggidahttit (kompareret), ja dain leat dan dihte golbma veardidanhámi: unni - unnit - unnimus.

Adjektiivva, maiddái komparerejuvvon hámi, sáhttá geavahit substantiivan ja dat sojahuvvo dalle buot kásusiid mielde. Kásus čájeha makkár doaibma adjektiivvas lea cealkagis. Davvisámegielas leat 7 kásusa. Sojahanminsttar lea seammá go substantiivvain.

Nominatiiva: Nieida lea 'rikkis'.
Akkusatiiva: Bovdejedje dušše 'riggáid' festii. Mun oasttán 'hálbbibu'.
Genetiiva: Mun dovddan máŋga 'riggá'. 'Jallaid' gaskkas lei jierbmái.
Illatiiva: Mun adden eanet vahkkoruđa 'boarrásebbui'. Dát lea fálaldat 'riggáide'.
Lokatiiva: 'Jallas' ii leat ollu jierbmi. Sii soitet oažžut veahki 'riggáin'.
Komitatiiva: Mun hupmen muhtun 'jallain'.
Essiiva: Mun dovden iežan 'jallan'.

Dás sáhtát lohkat eanet adjektiivvaid birra .

Ruovttoluotta grammatihkka váldosiidui.